王喜拒為陳志雲辭職
王喜昨日出席胡敏珊代理的RSW腕錶發布會時，被問到為何不陪陳生（指陳志雲）出庭，他表示剛從內地回港，不過已與對方通電：「我希望大家同事幫幫忙，喺公司見到佢唔好造成係陳生滋擾證人嘅誤會，見到面就依照番法庭指示，咁就係錫住陳生，不過呢個係個人意見。陳生6月21日上庭，到時我會陪住佢。（有指陳生復職係為辭職鋪路？）咁得意，會打電話問吓，如果件事係真，今年十大新聞佢咪佔咗三條，作為朋友都會支持對方。（你會唔會共同進退？）係兩回事。」
對於有指王喜新戲《囧探查過界》在陳生復職後即上映，他否認此事：「套劇係09年拍，要排o架嘛，（曾被指係倉底貨？）如果呢啲叫做倉底貨，就低估TVB個倉嘅容量。」