福祿壽開騷一腩無遺
阮兆祥、王祖藍及李思捷前晚首次與舞蹈藝員為十二月舉行的荃加福祿壽演唱會綵排。祥仔甫現身即搞爛gag，指自己真名其實是金城武。當問到歌衫是否超性感時，他抵死謂：「總之一『腩』無遺啦，咁大個仔都未試過咁性感。啲衫鑲滿閃石，連重要部分都有，但唔好心邪，因為身體個個部位都重要，我哋仲會扮風火海出場呀。」期間更着記者屆時記緊要去「鞠個躬」，認真大吉利是！
思捷咀祥仔
當綵排長達十五分鐘的串燒歌時，思捷要作勢向祥仔獻吻，事後祥仔謂：「到時唔係錫，我會叫佢舔我。（擔唔擔心唔記得啲歌詞？）唔會，因為啲詞係我哋一人一句諗掂嘅。」至於嘉賓名單方面，他們表示會囊括天王、天后、影帝及影后級人馬，不過不想公布名單「博宣傳」，所以叫大家等待屆時揭盅：「佢哋話私隱都講得，而且上得嚟，都唔會爭先後出場排位嘞。」
由於無綫頒獎禮舉行日期與演唱會重疊，祖藍即謂：「咁就係最好嘅證明，睇吓係咪真係出席唔到就冇獎攞嘞。」
文：影視組