舒淇否認為黎明患抑鬱症
舒淇昨晚穿灰色褸現身，真空上陣示人，加上獲卡地亞贊助的七位數高級珠寶系列手鐲及戒指配襯，更加艷壓全場。
現場展出Zing幫她化的小丑妝巨型相，舒淇大讚：「感覺人生如戲，戲如人生。（唔靚女喎？）我覺得幾靚，化靚女妝好容易，呢個小丑妝化咗三個鐘。」
有雜誌指舒淇自爆曾為黎明患抑鬱症，她助手搶答：「今日唔答呢啲。」不過舒淇大方說：「雜誌鍾意搬新聞，我唔係咁意思。（樂基兒話希望你開心喎！）我一直好開心。（係咪患過抑鬱症？）拍《最好的時光》太投入角色，好抑鬱，戲要時間抽離，尤其係思想分裂角色。（感情可唔可以抽離？）可以一齊最好，但應斷則斷。好似拍戲咁，唔可以將舊角色帶入新戲。（係咪覺得自己感情瀟灑？）仲未知，遇到唔同人會有唔同做法。」