時間錦囊：樂瞳珍藏三獎顯新價

呢三個係上年攞嘅新人獎，對於一個啱啱出道嘅歌手嚟講，新人獎絕對係最難忘同最珍貴。	媽咪早幾年見金價係咁升就將啲金放咗，然後送咗一隻細細粒嘅鑽石戒指仔畀我，當時我仲讀緊書，有鑽石戒指戴梗係好開心，將來賺到錢一定會買隻大粒啲嘅鑽石戒指送畀媽咪。	小學時爺爺見我成日考第一，就送咗呢條十字架金鏈畀我，雖然佢已經過咗身，但我耐唔耐會攞出嚟戴，鼓勵自己要乖，見到條鏈就好似見到爺爺咁。
個獎牌係中學時嘅男朋友送畀我，有一日我同佢講，如果佢參加比賽贏咗要送個獎牌畀我，點知佢跳高攞到金牌就送咗畀我，真係好感動，雖然同佢分咗手，但個獎牌都keep到依家。