昨日謝婷婷與男友安志杰以情侶檔為沙田新城巿廣場舉行的「白雪星光遊園」主持亮燈儀式，二人又拖手又互攬，安志杰還應司儀要求送玫瑰花及親吻婷婷臉頰與手背，表現甜到漏。
二人大方分享拍拖甜蜜事，安志杰稱第一次拖手，趁車多過馬路時乘機拖住婷婷，至於最難忘回憶，婷婷說：「之前佢去拍戲，我去探班，當時天空好多星星，我哋聽住歌跳舞。」問到二人的結婚計劃，安志杰坦言：「我哋都係工作先，我冇求過婚，因為呢啲係好認真，唔會隨便。（唔擔心佢畀人搶走？）對佢有信心。」而婷婷亦和應：「依家好多女仔都遲婚。」另外，大會設專人向男士度身設計求婚計劃，婷婷認為對男士有幫助，更笑言：「因為我細個見爹哋好疏忽，比較糊塗。」
