婷婷自薦到災區播愛
謝婷婷昨日出席為四川重建籌款的慈善義賣活動時，表示亦希望到災區探訪和幫助有需要的人：「我叫公司畀我去吓，佢哋都好贊成，我覺得未見過唔可以真正感受到，呢個世界好與唔好分別好大。（有無教姪仔Lucas都要幫人？）佢好細個已經有教佢，教佢Sharing，細路哥有Human nature，都會自私，所以要教。Lucas好識同人Sharing，好似食嘢嘅時候佢會餵你食一啖先。（佢會唔會呷細佬醋、爭寵？）Lucas依家仲係好細個，未到識得呷醋嘅年紀。」
另外，同場的關楚耀就遲到近半小時，他解釋是因為要餵新養的蜥蜴加上塞車，他表示養寵物是想訓練自己更有責任感，問到何不養個女朋友？他說：「唔好喇，咁犀利，暫時唔追女仔住。」