盧頌之遭問價興爆反擊
日前o靚模盧頌之（DaDa Lo）及吳燕安（Annie G.）均在微博表示曾收到「富豪問價」電話。DaDa說：「尋晚有個女仔打嚟問我有無興趣去北京，我初頭以為係旅遊記者，再問先知係有個富豪想同我去。（知唔知係邊個富豪？）我無興趣問。其實之前都收過類似嘅電話，有個自稱係之前做過Model嘅女仔問我有無興趣去富豪飯局，佢仲直接問我收開幾錢。」難怪她在微博反擊寫道：「我現在活得很好，三餐溫飽，有家人朋友愛人，請幫助真正有需要的人，多做善事吧富豪。」
Annie G.亦直說：「試過一星期打三次畀我去富豪飯局，有個中間人問我，話個富豪想同我食飯，多多錢都肯畀，而且叫我約埋DaDa Lo，我無問係邊個富豪，雖然我係咁話唔使，但佢堅持叫我諗下，仲話當接Job。」