金牌大風唔參與冇蝕底
英皇高層吳雨開腔怒斥「某小撮」公司與某台之爭，毅然取消「四台聯頒音樂大獎」近乎兒戲，以至對全港唱片公司不尊重，昨日多間唱片公司亦紛紛表態，跟無綫因版稅問題而鬧翻的環球唱片公司表示尊重四台決定，但對於英皇及東亞發聯合聲明由今屆起不會參與「四台聯頒音樂大獎」則不作回應。
金牌大風CEO陳輝虹則說：「尊重四台決定，無綫同『四大』糾紛未解決，所以停辦一年係合理，金牌大風亦贊成！（RubberBand今年有機會攞大碟獎同歌曲獎，會唔會覺得蝕底？）唔會，會尊重四台決定；每間公司有佢哋嘅決定，睇吓出年發展成點再決定參唔參與！」而SONY發言人則表示尊重四台決定，亦尊重四台投票結果。
Amusic高層王凱文表示：「未聽過英皇同東亞話唔去『四台聯頒』，但我哋公司只會做自己嘢，能夠參與當然會高興，但參與唔到亦冇問題！（今年停辦四台聯頒音樂大獎？）冇意見，尊重佢哋決定。」