區文詩包起全家上海血拼

Angela早前與餅碎舊拍檔一口氣連開兩場音樂會後，即到上海暢遊充電，今次她沒有孖男友鈴木仁同行，反而跟全家人外遊，她笑說：「我都係第一次全家去旅行，同埋家姐一家，扶老攜幼，真係幾開心呀，（點解唔同埋男友去？）難得全家人一齊，男友成日都有得見到嘛。」

上海之行，Angela大手筆斥資五位數包辦晒家人的旅費，又充當導遊負責帶領家人四處遊覽，她笑說：「我都係跟住旅遊書推介，安排好全部行程，book晒車帶佢哋周圍去玩去食，媽咪仲話下次旅行，如果我唔去，佢都唔去喎。」雖然上海有世博，但她未感興趣，也沒耐性排隊輪候，只到過塞爾維亞館參觀，她笑說：「因為呢個館冇乜人排隊，可以好快入得。」

放大圖片	Angela趁兩折狂掃名牌衫之餘，亦與家人到處食上海美食。

周圍搵美食

最令她興奮是在上海血拼掃貨，在名牌的開倉店執了不少平衫，她笑說：「估唔到咁平，兩折喎，我買咗成五位數，係成個旅程最大使費。」在上海他們品嘗了很多美食，她笑說：「因為爹哋喺上海出世，對上海有情意結，平時喺香港十餐食足八餐上海菜，所以旅行前我哋忍住唔食，去到咪狂食小籠包、上海美食。」能夠享受家庭樂的她，希望再有機會帶同父母到美國作長途旅遊。

Angela豪氣請家人遊上海，但無預男友鈴木仁。

鈴木仁

文：音樂組