朱茵挑戰氣量姣上舞台

近年主力在大陸發展的朱茵，因被恩師鍾景輝（King Sir）的力邀，加上劇本吸引，再返港演出於十月二十一日起公演共十九場的《瘋狂夜宴搞偷情》舞台劇。劇中朱茵將飾演「淫婦」，和另一年屆五十五歲的前輩級演員何偉龍合演老夫少妻。

朱茵在劇中的角色，其實早在十二年前，由獲得「香港電影金像獎」、「香港舞台劇獎」及「香港藝術家年獎」的羅冠蘭飾演過，問她可擔心有比較而壓力倍增？朱茵卻說：「唔會有壓力，因為我已有十幾年演戲、做主持同拍廣告嘅演藝經驗，我希望自己好似冠蘭姐咁，會喺好多年之後，啲觀眾都會記得我演過呢個角色。」

朱茵最擔心體力未能應付十九場舞台劇。

羅冠蘭（右二）是舞台劇界的天后，前年曾演出《留住百味情》。

情慾戲老幼咸宜

現時朱茵最擔心的是體力問題，因為演舞台劇和拍電影完全是兩回事，她說：「係live，冇得NG再嚟過，表情唔係最大重點，係把聲，我怕我會嗌到冇氣，本來主辦話連續兩日開日、夜場，我怕效果唔好，所以反對，只可以其中一日做兩場。」

朱茵有「性感女神」之稱，今次又扮演「姣婆」，問劇中可有激烈情慾戲？朱茵就話：「只係意識上，六歲以上小朋友都可以入場，唔係真人騷，唔會影到『摷』，唔會不雅。」

採訪：音樂組

場地：馬哥孛羅香港酒店

化妝：JONATHAN LI@MOD

髮型：＠II COLPO

服裝：SIU