DaDa咪神惹鬼 Ivy急護花
「百果園咪神」陳靜（DaDa）趁着萬聖節將臨，相約同門的「o靚模狀元」蔡瑩瑩（Ivy）深入鬼屋，挑戰膽量，被嚇至花容失色的DaDa以雷射槍作出大反擊！
萬聖節將至，「百果園咪神」陳靜（DaDa）到鬼屋探險，怕鬼怪的她雖然日光日白去鬼屋，但都堅持孖實同門的「o靚模狀元」蔡瑩瑩（Ivy）壯膽。DaDa入場前毫無懼色，還興奮地說：「雖然我不嬲都好怕鬼怪嘢，但有人陪應該唔驚，一直都想試吓挑戰，不過好細膽，唔係好敢玩。」
驚嚇尖叫
身旁的Ivy攬實DaDa，落力護花，Ivy說：「知道係假嘅梗係唔怕啦！我會一路保護DaDa。」臨入鬼屋前，兩女不停整古做怪，與鬼屋外的鬼怪狂影相。
不過甫踏入鬼屋，兩女即扭作一團，一步一驚心，DaDa被身後突如其來的鬼怪嚇到彈起兼尖叫，Ivy即捉實並安撫她。
揸槍反擊
經過一輪嚇破膽的旅程，DaDa被嚇至花容失色，驚魂甫定後，Ivy提議到另一鬼屋，對喪屍作出大反擊。DaDa與Ivy手持雷射槍，信心爆棚地說：「今次仲唔輪到我哋報仇。」本來戰戰兢兢的DaDa，看到牆上的怪物即毫不留情地勁射，兩女經過一輪報仇發洩後，大呼過癮。
文：專案組 攝：司徒國榮 場地：海洋公園