甄子丹新傷舊患煎熬冧廠

有消息指甄子丹雖然是「宇宙最強」的搶手男演員，但每部片肉搏真打，新傷舊患困擾之下，早前於拍攝陳可辛執導的《武俠》時頂唔順，令整個劇組「冧廠」，對此其發言人張小姐坦認子丹早前的確患上重感冒兼發高燒，故停工一天，她說：「子丹腰椎係有舊傷，骨與骨之間磨損嚴重，淨係坐喺度都會好痛，但冇得醫治，只有靠佢用意志力去克服，呢個都係做武打演員嘅後遺症，無辦法。」其實子丹近年確實未停過，《錦衣衞》、《葉問2》、《精武風雲‧陳真》陸續上映，其後又接拍《關雲長》和《武俠》，稍後即將開拍《大鬧天宮》及《最強喜事》，雖然有指他極速賺近二億，但如此工作量認真要好好照顧身體。