Mr.《糖衣陷阱》 轉移視線
Alan陷入桃色糾紛，本報致電環球高層黃劍濤會如何處理？他說：「唔使處理。（搵律師幫手？）唔需要，交警方處理。（有冇鬧Alan？）唔會，佢冇做錯嘢，公司絕對相信佢，工作亦唔受影響，佢今日同譚詠麟去咗杭州宣傳。」
環球昨更向傳媒廣發Mr.和譚詠麟合唱歌《糖衣陷阱》的MV照，乘勢宣傳兼轉移視線，而阿倫則於facebook上載和Mr.合照，但沒提及事件。
不少藝人均關注事件，同門的關楚耀說：「男人應該企出嚟保護女仔，佢做得啱，如果自己遇到都會企出嚟幫女仔，好小事啫！」Alan隊友Tom的緋聞女友蔡穎恩亦在微博留言力撐，囑Alan別擔心。
梁詠琪則說：「男女之間有佢哋處理方法，依家最緊要睇Alan處理得好唔好，否則影響形象。」而陳柏宇亦認識Alan，他說：「哈哈哈，三個人一定有誤會，相信小事化大。」
至於Alan的fans群起於網上力撐，有fans揚言不管如何也會相信他。