A.Lin發噩夢 難忘露械狂
裴殷（A.Lin）、盧頌之（DaDa）、鮑起靜等昨日出席亞視處境劇《香港Go Go Go》的造型活動，劇中會主動追求姜皓文的A.Lin坦言未知會否有親熱戲：「可能我擒佢呢，我螢幕初吻仲喺度，睇吓佢要唔要拎走啦！」
A.Lin又稱日前於港鐵遇露械狂後至今猶有餘悸，前晚發夢都夢見對方：「嗰日係下午四點幾，身邊都有不少學生，當時我嚇到成個啞咗，十分鐘講唔到嘢，之後畀佢逃脫，後悔當時冇着高踭鞋踢佢！以前只試過畀人跟蹤返屋企，自此聽到鎖匙聲都好驚。」DaDa亦坦言中學時曾被跟蹤回家，對方更於防煙門偷看她：「大個咗都識求救，小朋友唔識面對會好影響心理。」