諸葛梓岐昨日出席「安達盧西亞號」體驗之旅活動，即場與總廚一同炮製美食。平日她愛下廚，自言廚藝精湛，過往諸葛曾有「地獄廚神」的稱號，她笑說：「呢個稱號冇咗好耐啦，我依家係天才小廚神。（男友有冇讚你？）佢成日做白老鼠，我每次煮嘢佢都會食晒o架，我最拿手係煮意粉、炒飯同煲湯。」
記者笑她入得廚房出得廳堂娶得過？諸葛笑說：「我都唔想嫁住。（男友有冇求過婚？）唔講得呀！」下月中諸葛將到日本傾談歌唱工作，她有聽過Angelababy的歌，大讚對方唱得好cute。
