周家蔚導天明入教等過關

洪天明、周家蔚這對情侶昨日出席比賽啟動禮，二人穿着婚紗、禮服，與多對準新人齊齊步入會場，儼如為婚禮作預演，問天明預備好做新郎哥未，他坦言：「未ready喎！成世人流流長，梗係未玩夠啦！依家專心做嘢，先諗將來。（家蔚未必會等你？）順其自然。」問對方有否催婚，他說：「結婚呢啲嘢冇得急，都唔可以拖，但timing好緊要，否則結咗都唔係一件好事，（等有咗先結？）咁又唔會，呢個自己會好有planning，因為有小朋友成個生活會唔同晒，（依家好安全？）近幾年都好安全。」

食飯有祈禱

而家蔚表示十六歲第一次着婚紗拍廣告，已感到麻木，而跟天明一齊做嘢都開心，因為有錢搵，問她幾時結婚？她說：「呢啲唔到我話事，（佢唔肯娶你？）咁唔會啩！」不過，家蔚坦言最緊要是天明要過到她媽咪那一關：「因為媽咪想我嫁個基督徒，而天明未受洗禮，不過佢依家食飯都有祈禱。」

周中師傅上台祝賀一對「新人」，十分搞笑。

天明小心翼翼扶着穿上高跟鞋的家蔚，非常細心。

唔可以墮胎

家蔚表示一定不會做未婚媽媽：「媽咪話唔可以墮胎。（天明話近年都好安全？）安全好呀！安全第一嘛！」之後，天明坦言現在剛開始投入信仰，跟家蔚返教會，說到洗禮後便會守戒，天明謂：「要好肯定自己可以做到某啲承諾先會做囉！啱啱開始，有乜要戒都要了解。」

文：影視組