陳奕迅做咗老襯 冇得搞搞震
陳奕迅在新片中周旋於范曉萱和林嘉欣之間，然而現實中已婚的他承認男人是花心的，但自己受到婚姻約束，絕對不會有所行動，又引證自己最愛的是太太徐濠縈。
陳奕迅與台灣歌手范曉萱在新片《戀人絮語》中飾演一對同居三年但感情轉淡的情侶，陳奕迅更隱瞞范曉萱與前女友林嘉欣發生關係，表達出一種現今社會的愛情觀。
男人長情
陳奕迅表示現實中亦有花心的時候，並引用黃霑一句話：「男人花心但長情，女人專一但絕情。」有時看到漂亮長腿女性亦會大讚，但絕對不會有所行動，他說：「咁都係讚美人啫。（有冇諗過行動？）你想我死咩？想我身體冇咗邊部分呀？老實講結咗婚就係結咗婚，好難花心，有時拍戲都要拎個心出嚟同對手做戲，但要識得抽番出嚟。返到屋企見到老婆同個女先係現實生活。」
問到傳完又傳與謝安琪之間的關係，陳奕迅說：「成日講，講咪講囉，冇留意啲新聞。（煩？）成日講都煩啦，唔知邊個成日講。」他直言婚姻是受法律約束，自己知道誰是最愛，他說：「有次喺台灣遇到地震，我第一時間打畀老婆，連父母都冇打。」
范曉萱不結婚
對於應不應戴結婚戒指的問題，陳奕迅另有見解：「我覺得婚戒喺結婚當日為另一半戴上，係好有意思。如果唔見咗再買番都冇用，我試過台上同歌迷握手爭啲被勾走咗，我覺得要好好保存佢。」
身邊的范曉萱表示，相信沒有一個女性容忍到另一半有第三者，自己亦慶幸沒有遇過類似的事情，希望好運一直長伴着她，她說：「現在與男友感情很好，雙方已協調不會結婚。」
場地：港島海逸君綽酒店
服裝：D-MOP