佘詩曼婆婆催婚緣到即嫁
「刁蠻公主」佘詩曼被婆婆追婚期，她本人亦想完成婆婆心願，可惜結婚一事一隻手掌拍不響，現未有心水對象，只有隨緣。
前晚中秋節，佘詩曼、黃浩然、李詩韻、蕭正楠及高鈞賢，齊出席《公主嫁到》慶中秋宣傳活動，眾人即場與觀眾玩砌燈籠，還為「刁蠻公主」佘詩曼即場請三位男觀眾出來玩選駙馬遊戲。阿佘表示中秋節及翌日均在工作中度過：「中午同林峯開工時，佢萬歲請全體工作人員食壽司。」
網絡塞車怨聲載道
她又表示之前已與媽咪食飯，被問到媽咪有否催促她快些人月兩團圓？她說：「媽咪無問，佢唔理我呢啲，佢最重要我健康同開心，反而婆婆有問，婆婆96歲，我知佢真係好想見到我結婚。（有冇同婆婆應承啲乜？）結婚唔係單方面可以做到，如果我能力做到，都會去做，令佢開心，依家只好隨緣。」而《公主嫁到》收視高企，但令網民怨聲載道，因前晚大量網民直至凌晨兩點半仍未成功進入TVB網站觀賞《公》劇，出現大塞車情況。
詩韻向兄弟團埋手
另外，李詩韻昨日出席活動時以HIP POP熱舞追月，熱爆全場。詩韻表示看見身邊姊妹紛紛出嫁，對結婚心癢癢：「但我依家都冇時間拍拖（有冇人追？）圈內外都有，但唔啱feel囉！」詩韻又笑言可以在今天朱凱婷婚禮上的「兄弟團」找對象。
採訪：名人組