阿倫寸無綫音樂政治化
譚詠麟、關楚耀、Mr.及陳偉霆（William）等昨日出席「新城慈善K唱遊」。無綫與四大唱片公司的版稅問題未解決，故無綫會刪剪阿倫在十．一慶典的演出，阿倫對此說：「唔知喎！咁高興日子應該普天同慶，太政治化唔係咁好。」對於林建明撐陳志雲，指藝人出席活動很多時沒酬勞，只是廉署不明行規，阿倫謂：「佢哋唔熟呢行，了解吓都啱。」
此外，William透露日前半裸上陣拍新歌MV，嘆謂自《Taxi》MV自願剝衫後，很多MV和電影都要他除衫：「我唔係好想行呢條路，今次MV好有SM feel，唔單止用皮帶遮兩點，又有鐵鏈箍頸。（現實有冇玩過SM？）冇呀，不過拍完之後有呢個癖好，鍾意被虐！」