衞蘭綵排勁舞扭傷腰

衞蘭（Janice）近日積極為下月舉行的演唱會綵排，她昨日穿上白恤衫透黑bra接受電台訪問，見她行路不時用手按着尾龍骨，原來她前日穿高踭鞋排舞不慎扭傷舊患。她說：「應該係扭親腰嘅肌肉，依家行路好痛，所以呢幾日都要着拖鞋。」Janice強調今次個唱會跳很多勁舞：「不容有失，係我入行跳得最勁嘅一次。」問到有否看醫生？她說：「未，睇埋今晚咩情況，如果唔得會忍痛針灸，因為之前試過針灸好痛，所以冇再針。」問到老闆黎明知否她扭傷？Janice謂：「冇同佢講，唔想佢又擔心多一樣嘢。」更透露妹妹衞詩前晚為她按摩。