林欣彤未算閉翳 百元夠使
有小巨肺之稱的《超級巨聲2》冠軍林欣彤（Mag）昨日出席入行以來首個有酬勞的活動，她否認日花廿元的慳家傳聞，更謙虛否認自己是小巨肺，認為自己在台上的自信心還不夠。
Mag昨日和名模Amanda S.及古巨基出席護膚品牌Kiehl's活動，Mag承認這是首個收取酬勞的活動，至於酬勞多少及無綫抽佣的百分比，她均以「滿意」來形容，更否認慳家日花廿元的傳言：「唔係咁慘，每日基本用一百蚊以內，除非要買其他嘢，衫方面公司會幫。（幸福？）係，好多嘢我都唔識好迷惘，個個都好錫我，唔介意我鈍吓鈍吓。」
拍拖唔會主動認
Mag續說中秋節和家人及相約《超》的成員聚會，當中誰是真命天子？她笑說還未出現，更言她和朋友會就緋聞等新聞得啖笑，至於被指和鄧紫棋都是處女會否尷尬，她說：「有啲尷尬，但寫咩係佢哋嘅自由，控制唔到。」
另外，昨日Mag接受查小欣錄音訪問，謙稱非小巨肺，台上心理質素未去到最好，之前曾參加《超》的踢館，但監製指自己太緊張，並自爆會趁家中冇人時練歌數小時。Mag更否認一腳踏兩船，認為即使拍拖不會主動承認。她續說被公開前男友的相片，感到愕然及內疚，日後不想新聞牽涉親朋，但她說早前被傳媒追訪上學，令她要向老師求救。
Amanda意國出嫁
同場的Amanda表示曾在印度跟德蘭修女做義工，更言當年生活環境好，家有兩個大花園，大到可以騎馬外，更言做義工時為免易惹頭蝨故剪短髮。至於會否請郭富城的緋聞女友熊黛林去婚宴，她說：「只係工作時見到佢，我有咁多呢類朋友，怕請唔到咁多，否則要請二千人！」她指婚宴打算在意大利舉行，並不會如外國傳統女家負責飲宴費用，指男女家也負責。
文：名人組