姚予晴整容男友無權過問
名模姚予晴（Mikki）昨晚出席時裝騷時，比以前更明艷照人，即惹來整容揣測，她坦言若效果良好及絕對安全，也不介意整容。
昨晚中港台模特兒雲集，包括香港的林莉、姚予晴、Mandy Lieu、Jocelyn、內地的戴小奕以及三位來自台灣的瑞莎、吳亞馨及林若亞，為又一城舉行的「Metropolitan Chic. In Here. At Festival Walk」時裝騷演繹秋冬新裝。
現場所見，Mikki明顯變靚咗，她聞言即開心說：「真係？你依家先覺得我靚咗。」不過，她否認整容，但透露一直有做美容療程，她說：「我有做微針，以及用血清去增生骨膠原，但就冇開刀或者打嘢入塊面，冇做任何手術。」
保證絕對安全
問她可接受整容？Mikki表示：「依家科技發達，如果保證效果好以及絕對安全就會接受，但我個樣本身OK，又唔係樣衰，我怕會愈整愈衰。」她又謂若真的整容也不會徵求男友意見，問到男友有否覺得她變靚時，她肉麻地說：「佢由識我第一日已經話我好靚。」
林莉密實輸蝕
另外，在眾模特兒中以瑞莎的衣着最為性感，最後一套更中門大開，成為焦點，她坦言因為以真空上陣，加上時間緊迫，未有黐膠紙，她說：「我怕走光，所以唔敢太大動作（你最搶鏡？）大家都好厲害，多謝大會畀個咁好位置同件咁靚嘅衫畀我。」她又不忘大讚香港模特兒又高又瘦。
而林莉對於被搶鏡大方表示不介意，她也自言衣着較密實：「我七套衫入面有三套係樽領。佢哋身材勁，畀佢哋show吓。」
文：名人組