莫文蔚用七日冧暈媽咪
莫文蔚（Karen）昨日現身尖沙咀出席其新碟相展開幕禮，剛為倫敦一個內衣褲設計活動擔任評審的Karen，就言還未有時間問及新碟成績，她透露昨日其母生日，家人將於今日為母親慶祝，她說：「之前請埋媽咪去倫敦，差不多一個星期，好幾年冇同媽咪正日過生日，今次請佢去旅行，相信佢都好冧、好滿足。」問到Karen會否為母親下廚？Karen就言家中甚少煮食，父親擅長煲湯，她則最愛整意大利芝士餅。而母親有否催促Karen帶男友回家？她笑着說：「佢放棄咗，催到冇氣，依家有空餘時間伴佢，可能仲開心啲。」
Karen又言工作繁忙，未有時間親身落舖買碟，她說：「行開先買啦，出上一隻碟嗰陣喺台灣咁啱行過本來諗過買，點知入去得番一隻，所以冇買到，仲即刻打返公司叫佢哋補貨。」