甄子丹轉妝大放笑彈

「宇宙最強」甄子丹望將事業再創高峰，接拍黃百鳴出品的賀歲喜劇《最強囍事》（暫名），下個月便將夥拍古天樂、劉嘉玲、杜汶澤等投入拍攝工作。首次演出喜劇的子丹，片中與古天樂同樣飾演化妝師。日前，子丹完成台灣的電影宣傳後便趕返香港，為《最》片初試造型兼拍攝海報，老闆黃百鳴亦有到場撐場。當日子丹充分展現出其喜劇細胞，穿上賀歲拜年look的他扮相維肖維妙，一舉手一投足均相當搞笑，尤其穿西裝時他擺出多個型仔姿勢，並說：「呢啲甫士係『四哥』（謝賢）先做到。」

拒透露片酬

早前甄子丹拍攝《葉問》時與梁朝偉主演的《一代宗師》鬧雙胞，二人亦曾隔空「寸嘴」，問到今次與梁太劉嘉玲合作會否感到尷尬，他則大放笑彈的說：「點會呀，可能係佢（梁朝偉）派太太嚟做臥底起我底，睇吓我啲詠春練成點！」對於有指他片酬已達千五萬人民幣，黃百鳴沒有否認但指「今次唔使千五萬咁多」，而甄子丹則表示「唔講呢啲」。有指他已榮升中、港、台最高片酬的男演員，子丹說：「唔講，總之唔係最高片酬。」問到會否向「囍事」始祖周星馳請教，他說：「人哋係上市公司點會得閒理我吖！」

甄子丹以兩個新年look為新片宣傳。

甄子丹的型仔造型全靠化妝髮型師細心打造。

文：影視組