寧進避忌冇陪出庭只sms
同樣涉案但早前獲廉署撤銷保釋的無綫藝人寧進和前無綫製作主任錢國偉，昨日沒有陪同陳志雲出庭，寧進坦言有發短訊慰問，他說：「陳生好快覆，話『多謝關心，唔使擔心我。』」至於為何不像王喜般陪伴左右，寧進說：「佢哋係best best friend，我未去到，淨係best friend，（係咪有啲避忌呀？）都有少少，咁多人，我去冇用，有阿喜陪佢好放心，阿喜唔去我就去啫。（會否約佢食飯？）會，我哋間中都有見。」
錢國偉回巢探班
另外，記者昨日於無綫餐廳外巧遇錢國偉，他直言回無綫探同事，自己有留意案件進展，但沒有致電陳志雲，他說：「通常呢個時間應該畀人靜吓。（有冇被傳召上庭？）暫時未收到通知。」至於早前有傳他將和何麗全過檔發展，錢國偉說：「依家係自由身，有同內地媒體及美國公司傾合作，經濟上冇問題。」
