劉欣宜受騷擾焗聽呻吟聲
李蘊與E Cup Baby劉欣宜近來經常孖公仔出雙入對，日前手拖手接受ontv《娛樂onShow》訪問，更邀請最近人氣甚旺的頭號狂迷鄭智殷接受主持人俞詠文的專訪，劉欣宜更大爆最近被電話性騷擾！
今年十九歲青春無敵的李蘊（Renee），形象可愛成為時下少男夢寐以求理想對象，她與擁有驕人身材的劉欣宜（Miyoko）屬同門姊妹，近日在各大小公開活動形影不離。日前她們帶埋狂迷鄭智殷接受《娛樂onShow》主持人俞詠文訪問，Miyoko還親述自己被電話性騷擾的經歷，而Renee則大談與頭號fans鄭智殷的緣分。
與鄭智殷有緣
俞詠文對於兩位靚女與鄭智殷的相識經過非常好奇，Renee說：「其實我哋真係好有緣，經常在公開活動撞見，久而久之佢仲成為我哋fans，每次活動例必現身撐場。後來有一次，我和Miyoko去錄音室錄音，發現我哋嘅監製原來就係佢嘅填詞師傅，而且佢又係我排舞老師嘅學生，非常有緣。」
怕屋企人擔心
Miyoko和Renee異口同聲大讚鄭智殷是個有禮貌的fans，所以很快成為朋友。不過，身材惹火的Miyoko向俞詠文透露最近深受電話性騷擾，令她非常困擾，她說：「最近經常接到怪電話，我接聽時對方唔講嘢，只係播放好似AV鹹片主角嘅呻吟聲，好惡心又恐怖！」她坦言不敢告訴家人，怕他們擔心，好彩得到公司同事及Renee開解，恐怖感覺已消退。
文：專案組