鄭嘉穎唔聽阿姐話拖照拍

鄭嘉穎日前獲銀行借貸公司續約兩年再擔任代言人，今次以指揮官造型與幾位靚女模特兒拍新一輯廣告，因而令人想起他早前跟內地女模徐靖雯傳緋聞，嘉穎坦言：「我個人開放咗，想識多啲朋友，可惜畀部分傳媒作大，但我都會繼續正常嘅社交生活。」嘉穎不諱言望拓闊生活圈子，希望搵到合適拍拖對象，但跟他拍《居家兵團》的阿姐汪明荃竟勸他三思，嘉穎說：「阿姐叫我五年內唔好拍拖，努力搵錢，叫我拍住散拖先，我話點得o架！總之，意見接受，分析吓先啦，其實我都冇拍散拖嘅心態，如果搵到個啱嘅就會長遠發展o架喇。」
嘉穎直言心態比以前開放了，想結識更多的異性。
嘉穎直言心態比以前開放了，想結識更多的異性。

唔使女人錢

嘉穎雖是個大男人，但理財卻頗精明，且明言會借錢：「借錢唔一定係因為唔夠錢，好多有錢人做生意都借錢啦！作為傳統嘅中國人，我都有儲蓄，但買車都借錢，咁可將手頭嘅錢再分散投資，啲錢要靈活運用，但係一定唔會問女人借錢！」嘉穎又覺得男人應該全方位照顧自己的女人：「女人使男人錢係應該嘅，但男人絕對唔可以使女人錢！」

文：影視組

阿姐曾勸嘉穎先要努力賺錢，五年內不要拍拖。（資料圖片）
  • 阿姐曾勸嘉穎先要努力賺錢，五年內不要拍拖。（資料圖片）
嘉穎以指揮官造型與幾位靚女模特兒拍新一輯廣告。
  • 嘉穎以指揮官造型與幾位靚女模特兒拍新一輯廣告。