蔡慧敏賴醉酒斷片願向楊太道歉

擁有惹火身材的無綫前藝員蔡慧敏，在港消失一段日子後再度活躍起來。近日被發現與荷里活女星楊紫瓊的已婚胞弟楊南日，在中環一僻靜公園內「談心」，期間女方更一度坐在男方的大腿上並激烈擁吻。當事人蔡慧敏昨日終於現身貝沙灣的寓所，甫見記者表現得一臉愕然，但最後亦開腔回應事件。

佢冇戴婚戒

蔡慧敏表示大家是好朋友關係，她說：「當晚由食飯開始飲酒，自己飲到好醉仲『斷咗片』，唔知發生咩事。（對方已婚喎？）我唔知佢結咗婚，又唔見到佢有戴結婚戒指。喺件事曝光前一、兩日我先知佢結咗婚。（識咗幾耐？）幾個月。」

問到事件曝光後有否聯絡楊南日，她說：「佢知得快過我，係佢話畀我知，仲話驚畀太太鬧，但冇聽佢講過會離婚。（之後仲聯絡？）會，因為都想搵個機會同佢太太解釋番件事。（有咩解釋？）當晚飲多咗少少酒。（形象受損？）我諗解釋番冇嘢，其實真係覺得好唔好意思，對佢家人、太太方面，想同佢哋講聲唔好意思和道歉，我絕對唔會做第三者，破壞人哋家庭。」

楊母不置評

蔡慧敏家住貝沙灣，問到她經濟狀況時，她表示寓所是很久之前購入的，自己一向都有工作，她說：「今年財運和工作運都好好，之後都有斟洽拍廣告。我喺美國生活時都有做嘢o架，司儀和主持都有做。」此外，她身穿三點式在豪宅家居內拍照，並將相片放上blog，大晒F Cup身材，又表示要清醒，繼續努力。

而記者亦聯絡上楊南日的母親譚惠珍，問到對事件的看法，她說：「兒子的事由他自己處理。」

文：影視組