啤梨賣旗自封大汗王
葉文輝（啤梨）、狄易達、黃子菲（Ava）早前現身尖沙咀天星碼頭為義務工作發展局賣旗籌款，大批fans到場支持，由於當日天氣酷熱，各人亦大汗疊細汗，向來怕熱的啤梨說：「我應該係今日流汗之冠，最驚係中暑，所以不停飲水補充。」至於另一女將Ava就最驚妝溶嚇親人，她說：「為咗做善事，流汗唔係問題，只怕個妝會溶，特別係隻眼，變咗熊貓就唔好啦！」
而為答謝有份出席的義工，他們就移師到大潭BBQ慶功，場面熱鬧，達仔說：「好開心可以同一班年輕人一齊做善事，幫到人之餘，自己都有得着，好似做探訪咁，可以了解更多社會嘅另一面，施比受更有福。」