岑潔儀轉攻內地搵人仔

岑潔儀因與陶喆傳緋聞而為人認識，日前她受訪時表示，希望可以擺脫「陶喆緋聞女友」稱號，她說：「我都知需要一段時間先得，做呢行要睇得開，我同佢始終係朋友，不過可以嘅話最好唔提啦。（依家拍拖？）冇呀，不過都有啲啱傾朋友，只係我依家冇時間諗拍拖，趁後生繼續工作先。」

大陸男生細心

Zoey透露最近忙於往返內地工作賺人民幣（人仔），她說：「公司幫我接咗廣告，遲啲又返內地拍戲。（轉攻內地？）都係呀，開頭唔係好習慣，但依家慢慢適應。」問到覺得內地男生如何？她說：「佢哋好似細心啲，其實語言唔係問題，最緊要係溝通到。」

岑潔儀希望搣甩「陶喆緋聞女友」稱號。

岑潔儀表示定期敷Mask，皮膚才保持得好。

舊愛曾教彈琴

另外，Zoey對彈琴亦略懂一二，她說：「識彈幾首歌，本身冇學過，係以前嘅男朋友教我彈。」Zoey亦與好戲之人黎耀祥及毛舜筠拍處境劇《天天天晴》，她大讚兩位前輩：「佢哋好好人，喺佢哋身上學到好多嘢。（演技進步？）有呀，依家喺佢哋面前已經冇以前咁怯，表現淡定咗。」.

採訪：專案組　攝影：秦健輝　化妝：Joyce Leung@Makeup Pro　服飾：Law Season　髮型：Ray@HH　場地：DNA@中環