黃德斌意外變攣

黃德斌、賈曉晨（JJ）昨日出席活動示範健身及醫療儀器，德斌日前與姜大偉拍完劇集《女拳》的打戲時弄斷無名指手筋，昨日見他手指戴上了一個膠手托用作保護手指。問手指會否長期變攣時，他笑謂：「咁就要睇吓自己乖唔乖，遲啲仲要補拍，沖涼都唔可以太劇烈，個托都好易甩，（再拍時姜大偉會否有陰影？）點會，佢咁犀利，啲功夫震斷咗我條手筋。」首次拍功夫片便受傷的他被笑指處男下海便變攣，他笑言：「咁又唔好咁講，意外梗有。」
黃德斌向記者展示戴上膠托的手指。
黃德斌向記者展示戴上膠托的手指。

JJ透露稍後會拍攝遊戲特輯，之前拍上海世博特輯的她與無綫新人沈震軒傳緋聞，提到對方時，JJ笑指近排被朋友投訴少見面，問她有否被男友投訴時，她謂：「我都冇男朋友，有拖拍先再講啦！」

JJ換上背心上衣示範健身儀器。
  • JJ換上背心上衣示範健身儀器。