成龍發聲明息風波 為遇難者悲痛
成龍透過助手，在Twitter上就菲律賓挾持人質的血案抒發己見，想不到意思被曲解變成眾矢之的。成龍昨日終選擇發表聲明以正視聽，他表示因助手翻譯不完整以致引起誤會，並向全港市民致歉。而房祖名則叮囑父親日後要經過「QC」程序，才在網上留言。
菲律賓血案導致八死七傷，留下的傷痛令港人難以忘懷，期間一直離港工作的成龍透過美國助手，在Twitter內留言，竟被菲律賓當局形容為「成龍向我們伸出友誼之手」，隨即引起港人極大回響及反感，網民於facebook內紛紛成立「反成龍小組」，事件更遭日本大肆報道。
必須追究菲國警方
事件擾攘數天，身在北京的成龍昨日傍晚終於打破緘默，發出聲明就自己的「詞不達意」，向全港市民致歉。聲明內容大意是指助手幫他的留言翻譯得不完整，自己只是不想香港與菲國之間造成傷害，更強調自己是百分百香港人，認為必須追究菲國警方指揮不力，又為遇難者感到悲痛，及向他們的家屬致上最深切的哀慟。
記者事後與成龍取得聯絡，他淡然表示：「冇所謂，成件事明眼人知道發生乜事，我知道自己做緊乜，亦唔想再講太多，怕愈描愈黑。（日後會同助手多啲溝通？）佢係外國人，我講大堆嘢，佢就係咁幫我打字同上網，但Twitter又唔可以留太長嘅說話……總之嗰句，我係百分百中國人、香港人。麻煩幫我登晒完整嘅聲明，就係我要講嘅嘢。」
成龍又指今次事件發生後，港府的應變措施做得不錯。
祖名囑留言要QC
就父親引起的網民爭議，房祖名亦「幫理不幫親」的謂：「佢發聲明之前，我同佢通過電話，我叫佢睇件事睇得嚴重啲，以後要喺Twitter留言，唔該經過『QC』程序，有監察之餘亦要睇清楚啲，總之政治上嘅問題，佢唔應該講太多。」祖名又表示他並無仇恨之意，但卻補充：「我唔妥今次菲國政府嘅處理手法，同埋（總統）出嚟交代就唔應該笑囉。總之我哋係on your side（指站在港人立場）嘅，我支持Daddy發聲明，一切只係想世界和平啫。」
文：影視組