陳嘉桓谷胸施誘詠春抗槍手
昨日陳嘉桓、陳見飛、Rosemary及Ana R.出席Chantecaille 2010全新香水系列發布會，其中以陳嘉桓最為性感，穿上低V連身裙露半球，艷壓全場。問她不怕被抽水嗎？她有信心地說：「唔擔心，我識打詠春，可以保護自己。（咁唔需要男友保護？）我冇男友，亦唔需要護花使者。」
教小朋友功夫
陳嘉桓透露將接拍電影《秋瑾》，與師兄杜宇航及內地女星黃奕合作，現正忙於學劍，並擔任大使教小朋友打功夫自衞，說罷即時示範以鬆(月寸)對付色狼，記者笑言色狼多數偷襲女生胸口，她即笑謂：「咁我咪反拍番佢個心口囉！」另外，提到港人在菲律賓被挾持及槍殺事件，陳嘉桓指感到驚訝，並說：「如果我喺車上面，我會勇敢反抗。（用功夫打低槍手？）應該可以，我覺得自己嘅功夫OK，能夠自衞。」
陳見飛趕生仔
同場陳見飛宣布將於今年或明年出嫁：「因為男友想生BB，我今年都33歲，細個以為24歲會結婚，因為媽咪都係呢個年紀生我，如果生BB唔好超過35歲，否則就好老。」不過，Rosemary就大唱反調，她表示今天起程與男友到紐約找監製，發展歌唱事業，問她是否秘密結婚？她否認：「結婚？三十年後啦！（唔怕做高齡產婦？）唔擔心，我好健康。」
文：名人組