張繼聰苦盡甘來做番個人

張繼聰及吳雨霏昨日為慈善活動擔任大使，對於近日有傳張繼聰將加盟金牌大風，他謂：「講咗幾個月，我只係知道有間唱片公司傾緊，係有合作機會。（開價一千五百萬？）我覺得呢個係雜誌編輯嘅祝願，不過事實同祝願總有距離，我唔係睇錢最重要嘅人。（幾時落實？）希望九月可以啦！」他更自嘲是苦盡甘來，笑言由被寫成是「地底蟲」變回正常人。同場的吳雨霏直言千五萬是大數目：「真係好多錢喎，不如畀我啦，打個八折都得，我好易氹！」另外，張敬軒前晚出席活動，透露十月將推出全個人創作新碟，謝安琪續約沒有拍片祝賀？他謂：「可能公司知我最近因為隻狗心情差，續約當然替佢開心。」