公子峯發電誓嗒阿佘
與佘詩曼合作過的小生都幾乎傳過緋聞，惟獨林峯被絕緣，二人再度合作新劇，林峯望傳緋聞以證自己魅力，阿佘則揚言不敢嫌棄「公子峯」。
佘詩曼、林峯、梁靖琪等昨出席《花花世界花家姐》拜神儀式，劇中角色只得十歲智商的阿佘，特地剪個傻氣髮型及到特殊學校接觸小朋友作參考。阿佘每拍一個劇幾乎都與男主角傳緋聞，但之前跟阿峯合作《歲月風雲》卻沒有傳過，阿峯笑言：「我之前同佢拍，但佢同第二個傳，我真係要檢討吓，可能唔夠魅力，呢個劇應該傳喇啩！」阿佘則解釋沒與阿峯傳緋聞，是傳媒的問題：「冇傳咪好囉！（怕唔怕傳你嫌棄佢？）點會嫌棄公子峯呀！我哋合作好多識咗好耐，合作愉快咪好囉。」
失望收視低
阿峯一直被睇好是今年視帝人選，但可惜新劇《摘星之旅》收視不濟，他坦言有點失望：「失望o架，個劇拍咗成五個月，期間要籌備演唱會，拍得幾辛苦，我覺得有陌生嘅大陸演員、內地早過我哋播都有影響，（影響你攞視帝？）唔好咁快煲啦！唔好煲我啦！年年都唔知講咩好，我想專心做自己嘢，（感到有壓力？）視帝煲得多驚你哋悶呀。」
冇心情慶祝
此外，《公主嫁到》收視雖好，但阿佘謂發生菲律賓事件，大家都沒心情慶祝，且菲律賓全國哀悼都彌補不到甚麼！她望《公主嫁到》可為觀眾帶來歡笑，安撫心情。另黎耀祥接受查小欣訪問時謂《公》劇收得，未為緊接播映的《巾幗梟雄之義海豪情》帶來壓力。
文：影視組