超雲爆賭王為受勳勤學行
賭王何鴻燊與三太的大女何超雲，昨晚着上白色tube dress出席MTM護膚品牌活動，她開心表示身上的裙在英國買，她說：「呢個品牌係AQUA，我好鍾意，依家自己試着，睇吓點先，希望引入喺自己舖頭，但唔係代理。（依家生意好唔好？）都平衡到。」問到父親賭王的情況，她說：「爸爸依家好努力學行，想快啲可以行到去攞獎。」超雲又表示賭王拿大紫荊勳章時，全家均會出席支持。而超雲曾與何超儀鬧不和，被問到屆時見到對方會否感尷尬，她說：「我見到佢唔會尷尬。」
超蓮北京遊學返
另外，她對港人在馬尼拉的慘劇覺得好慘，問到媽咪有否禁止她們去哪個國家？她說：「佢唔畀我哋去泰國。（你有去過見白龍王？）係，但佢依家入咗醫院，我冇探佢，當時佢叫我讀多啲書，同埋問爸爸嘢，冇提感情。」
此外，記者昨午在機場採訪韓國男子組合CNBLUE訪港時，見超雲胞妹超蓮獨自拖篋在機場出現，她一見記者拍照即感愕然，還問：「點解咁多人喺度嘅？」她表示自己剛從北京遊學返港，其後由司機接送離開。