衞蘭順應天命無懼返鄉
父親是菲律賓人的衞蘭，昨晚出席《勁歌金曲》的錄影時，對港人在菲律賓旅遊期間遭挾持和槍殺遇難，她平靜地說：「好慘、好恐怖！自己只可以為他們祈禱。我已經兩、三年無返過去。（當地治安係咪好惡劣？）相信呢件事之後會有所改善，大家唔好只睇唔好嘅嘢。（人命傷亡代價太大？）呢件事無得逃避，所以大家要作出愛和關懷嘅訊息。」她又稱沒收看營救的過程，也不知菲律賓總統表現被指輕佻，但當時有教友叫她為遇難者祈禱。問到會否再返菲律賓，她說：「去到邊都可能會遇到咁嘅事，唔好話因咁嘅事而怕。呢個係生命，估唔到。」
另外，關菊英則為事件感到難過和不開心：「相信每個人都會係咁。（菲律賓全國哀悼？）依家做咩都無用，不過對家屬都叫有安慰。」杜麗莎昨帶同菲律賓裔父親出席《轟天猛將》首映，杜麗莎表示看到新聞內心很不舒服：「好慚愧，真係想像唔到。依家最重要係點安慰受害者，唔好再加火。（你點睇？）唔好將壓力放喺我度，唔關我事。我都企喺香港人嗰邊，我73年之後無返過去（菲律賓）。」
