陳庭欣戥緋聞太子爺頭痕

香港小姐陳庭欣、張秀文和莊思明昨日在鑽石山出席香港壁球公開賽記者會。身為康泰旅遊大使的陳庭欣，對於香港旅客於菲律賓遇害，她說：「我唔會想去菲律賓囉，依家聽見菲律賓都有啲驚。不過，今次係個別事件，唔會對康泰失信心。」問到陳庭欣可有聯絡康泰太子爺Jason？她說：「冇，點會聯絡佢呀，我諗佢哋都好頭痕啦，雖然今次件事唔係直接因佢哋而起，但都要善後。」
陳庭欣與Jason曾傳緋聞。
陳庭欣與Jason曾傳緋聞。

莊思明則透露孖生家姐莊思華早前去菲律賓旅遊，令家人十分擔心，但沒有為她聘請保鏢，她說：「家姐多數留喺酒店，但係電話、SMS一搵唔到佢就好擔心。」

另外，陳法拉昨日出席鞋店活動時表示：「喺美國當局都會勸市民盡量唔好去菲律賓，呢件事提醒自己要居安思危，仲特登搵番媽咪送畀我支粉紅色胡椒噴霧出嚟。」

陳法拉希望大家別因一個瘋漢，而將事件拉到國家、民族上。
  • 陳法拉希望大家別因一個瘋漢，而將事件拉到國家、民族上。
幾位港姐於活動上為死難者默哀。
  • 幾位港姐於活動上為死難者默哀。