甄子丹求突破做笑匠
甄子丹昨日以代言人身份，現身北京出席網絡遊戲《大唐無雙》記者會，子丹更特別以披甲造型上陣配合主題，而獲封「新一代功夫之王」的他，席間大談事業與家庭。
因一部《葉問》令其人氣急升，繼而片約不斷，不過所接拍的幾乎離不開動作，問到如何評價自己於功夫片中的位置，子丹坦言一直竭盡所能，望每一部作品也能帶給觀眾新鮮感，更謂：「我嘅優勢是在經驗方面，還有要保持一種心態，就係永遠去突破自己，唔好滿足喺同一個位置（一直接武俠片，有冇諗過接一啲突破角色？）有，今年都有人搵我，係一啲都唔使打嘅賀歲片，依家我睇緊時間得唔得，其實我覺得自己都幾好笑，只係啲老闆都希望我打啫！」
未盡丈夫責任
談到工作忙得不可開交，那會有時間照顧家人，子丹聞言有點歉疚謂：「一個忙嘅人肯定要付出好多代價，作為藝人，我對屋企人係好遺憾，我冇做好一個爸爸、丈夫嘅責任。」而一片接一片的他，近日已在涿州為電影《關雲長》埋尾，稍後便到雲南準備陳可辛新作，完成後即參與《大鬧天宮》拍攝。
文：影視組