陳偉霆電話騷擾擬報警

陳偉霆與鍾舒漫昨日到銅鑼灣為入圍英皇新秀的師弟師妹打氣，新秀們翻唱兩人的大熱歌《給自己的信》及《Do You Wanna Dance》等。問兩人可擔心被新人搶風頭？鍾舒漫認為公司會找不同類型的歌手，她說：「唔會搵同類嘅人，大家都有唔同嘅嘢，所以唔會覺得有比較或者威脅。」陳偉霆笑言要找個玩得夠癲的：「因為依家同鍾舒漫、洪卓立嗰啲玩得好癲，希望多啲人一齊玩。」

被迫改號碼

陳偉霆又自爆近日慘遭電話騷擾，只好放棄用了十年的電話號碼。前晚凌晨三、四時又收到電話，他說：「佢哋有男有女，冇講粗口，真係打嚟同我傾偈，自稱係健身中心職員，成日問我健唔健身，初初下午收到都唔覺得係騷擾，點知依家晚晚凌晨打嚟，問我攞身份證號碼，又問我『你係咪陳偉霆先生，想問你個中文全名』，我梗係唔會畀佢啦！（報警？）都有諗過，因為佢有幾次冇隱藏個電話，我已經入咗佢個名做『衰人』！」

另外，他亦開心表示有小朋友歌迷，他們自拍跳舞短片叫他畀意見，陳偉霆說：「睇到真係好開心，我會教佢哋邊度可以改善。」

文、攝：音樂組