徐濠縈自認家事揸fit人
徐濠縈一身性感真空打扮出席護膚品牌頒獎禮，與官恩娜、陳貝兒、陳晴及彭秀慧獲頒不同範疇的「Power Women」。阿徐直認在家中亦甚有Power：「搵屋、搵車等大小事都係我決策，Eason冇時間。（Eason負責咩？）搵食咪交畀佢，佢好樂意o架，咁鍾意唱歌！屋企整電話、電腦都係交畀佢，佢喺行內有個花名叫『Apple Sir』。」
同場的陳貝兒受狂迷fans恐嚇後昨日公開亮相，公司特意安排保安貼身保護，她直言事件令她減少去街，亦讓家人很擔心：「事件交畀警方處理，希望可以令個fans停止騷擾。」另外，官恩娜透露為首次擔任港男司儀非常緊張，希望克服害羞感覺以免影響表現。
