阿姐勸鄭嘉穎拍散拖
鄭嘉穎日前與廖碧兒、汪明荃於九龍灣拍攝新劇《居家兵團》，戲中嘉穎與碧兒飾演情侶，卻不獲飾演嘉穎母親的阿姐接受，沒料兩家人冤家路窄。拍攝當日天氣炎熱，眾演員於未埋位時不停補妝兼抹汗，忙碌非常。
嘉穎與碧兒首次與阿姐合作，雖有指阿姐會罵人，但身為後輩的嘉穎與碧兒卻未有遇上，嘉穎抵死地說：「拍之前好多人問我，同阿姐合作會唔會緊張，其實佢都係工作認真啫！拍嗰時有邊個冇畀佢鬧？但全部都係戲入面囉！我角色仲好多添！」碧兒則說：「阿姐喺戲外教我好多做人道理，佢好生活化，好似坐姿點為之正確，都會糾正你o架！」
嘉穎笑指阿姐亦有指導他人生方向應如何走：「阿姐叫我呢五年畀心機賺錢，唔好拍拖，就算拍都係拍散拖，但係對我嚟講，唔拍拖點得o架！」