祖兒白雪潮女幫粉絲降溫
樂壇天后容祖兒（Joey）準備再踏紅館，於十一月二十至二十三日一連四日舉行《Nokia Joey Yung Concert Number 6容祖兒演唱會》。Joey表示今次以「Number 6」為主題原來大有玄機，她說：「我６月16日生日嘛，６號係我嘅幸運號碼，加上今次係我入行第六個紅館演唱會，真係六六無窮，陸續有來！」
四處貼滿海報
為迎接今次演唱會，Joey於形象上花盡心思，她化身白雪潮女為演唱會拍攝海報，眼影、眉毛及嘴唇都刻意鋪上白色妝，成為另一種白色冷艷。Joey說：「一開始我都好擔心呢個咁前衞嘅造型，好怕會畀人覺得冇精神咁。後尾影出嚟個效果又幾好，酷酷地咁，依家周圍都係我啲海報，呢個雪人可以幫大家解吓暑嘛。」
內部認購爆滿
演唱會於今日正式用信用卡優先訂飛，但原來內部認購早已超額爆滿，似乎「加場」是事在必行。Joey說：「睇到大家反應咁熱烈當然開心啦，好激勵我自己要做到最好。我依家已經開始操fit練氣，希望可以應付更加多場演出。（想破上次十場紀錄？）咁要靠大家反應喇，我都想挑戰紀錄。」
文：音樂組