發放正能量

關楚耀：佢係一個亦師亦友嘅朋友，我哋一齊做過好多騷，之前我發生嗰單大嘢，佢都有打電話慰問，仲知我唔方便出街，索性揸車嚟接我，同我兜風食嘢開解我，佢係一位好好聆聽者，嗰刻我好感動，佢真係好兄弟。

張敬軒：佢個人好順得人，要幫手總唔會托手(月爭)，而且佢好多正能量發放，同佢一齊做嘢，就算我嗰日心情唔好，都會畀佢感染，成個人開心番。我諗佢個人心境開朗先可以keep得咁好，好羨慕佢，加上佢工作充滿熱誠，心底裏依然有團火，愛作新嘗試。

放大圖片

放大圖片

關心妍：佢好有風度，個人好Nice，同佢成日雞啄唔斷，讀書嗰陣已經儲佢閃卡同海報o架，入行嗰陣首次見佢真人，我都好緊張，加上佢好襟老，真係超級筍盤。（有冇合作？）都有，佢唱得好，現場好穩定。（請教「防腐」心得？）佢話保持心境開朗，呢啲係相由心生。