吳浩康接受女友假胸真心

謝霆鋒、張家輝、桂綸鎂、鍾舒漫和吳浩康等演員，昨晚出席Philip Stein贊助的英皇電影《綫人》在香港舉行的首映禮。吳浩康與剛隆胸的女友莊思敏到場，談到女友隆胸一事，吳浩康初表示支持，但之後補充：「支持不等於認同。（手術前有冇知會你？）以佢性格決定咗就冇得商量。（佢任性？）有主見啫，我唔了解個手術，之前都有擔心。」問到會否介意女友假胸？他說：「介意就分開咗啦，我嘅行動證明我接受到，佢依然係佢咪得囉，最重要個腦同個心仲係我識嗰個。」

拒絕當眾派米

問他會否多帶女友游水晒身材？吳浩康認真的說：「派米（晒胸）？唔會嘞。我都幾大男人，有啲嘢介意同人分享。我都有問過佢係咪想轉型（行性感），如果佢答係就大家想法不一樣，有考慮過唔再一齊。」問到會否建議女友拆彈，吳浩康表示讓女友衡量。

鍾舒漫性感現身，艷光四射。

（左起）張家輝、謝霆鋒及老闆楊受成碰頭時打成一片，十分好傾。

霆鋒掛住細仔

同場，謝霆鋒以翻版四哥筆挺西裝到場，並掛着「Quintus」字樣的鑽石鏈，他說：「套西裝係太太準備嘅，條鏈都係太太整嘅。」

論性感度，桂綸鎂於昨晚中規中矩。

一眾《綫人》演員出席首映禮，期望電影有好成績。

而霆鋒前日完成北京舉行的記者會後，隨即趕到上海出席電影映後見面會。

文：影視組