法拉受騷擾日收神秘Call
陳法拉出席手機活動時透露手提電話號碼曾被流傳，過去大半年更每日被電話騷擾，因工作不能轉換號碼，亦不想搞大件事而沒有報警！
昨日陳法拉聯同前港男高鈞賢、05年加拿大華姐冠軍倪晨曦以及模特兒Cara G.為HTC新手機擔任模特兒，法拉接受訪問時坦言曾遺失手機，為免藝員電話號碼外洩，全用化名暱稱，笑說：「有時都諗唔起！（男友都用化名？）佢個化名普通到以為係同事。」
無謂搞大冇報警
她又大爆在過去的大半年被電話騷擾，每天下午都有個陌生人來電不發聲：「冇受性騷擾，只係打嚟唔出聲，因工作關係又唔改得電話，我試過將電話交畀劇組男同事，諗住粗聲粗氣去嚇佢，點知都係keep住每日下午打嚟。（報警？）我唔想搞大件事，希望fans自律。（你意思指fans所為？）我唔知，之前有個醉酒男人打嚟，問我係咪陳法拉，仲話我個電話號碼喺網上流傳。（外洩？）可能，我有一段時間用兩個電話號碼，但我根本用唔到兩個電話。」問到諸葛梓岐攻日出唱片有否聽過對方唱歌？她說：「冇！（支持佢？）人哋新聞我唔講太多！」
Cara G.唔怕人踩人
此外，Cara G.表示剛從澳洲參加音樂節回港，男友沒有同行，現場有三萬六千人，不擔心像德國早前發生人踩人事件，還透露十月會去倫敦同巴黎做節目，笑言不是避o靚模，只是想有不同嘗試，男友都好支持！
文：名人組