無綫禁女評判觸弄港男

今屆《香港先生》競選由開始至今，不斷遭到各方投訴「轟炸」。早前有組織聯同立法會議員王國興到平等機會委員會投訴，指節目只准女性出席及擔任評判，是未能妥善處理兩性問題，有貶低男士及賣弄不良訊息之嫌。

減少行經女評判席

據知，無綫不希望投訴事件擴大，遂勒令一眾女評判在重頭的濕身泳褲環節時，不得觸摸參賽者。而參賽者行經女評判席的次數亦將大為減少，改為多數時間在台上展現雄風。

Jessica C.（右）對於不能摸港男感可惜，周秀娜則不願置評。 （資料圖片）

伍詠薇觸摸港男後扮缺氧要戴氧氣罩，成為經典場面。

對於無綫有此安排，有份作評審的o靚模反應不一。「警鐘胸」Jessica C.表示：「之前聽師姐Ana R.講，佢話一次過見咁多肌肉男都好興奮，所以今次自己做評審冇得近距離接觸都有啲可惜，不過我最想都係摸番自己男友。」

原本有份擔任司儀的周秀娜則稱：「可惜我要拍戲度唔到期。我今年都冇得去啦，有冇得摸唔關我事。」A. Lin亦笑言：「冇得摸就可惜，惟有摸隔籬嗰個。」至於陳靜（DaDa）及楊梓瑤（Carol）坦言不覺可惜，眼看手勿動可免尷尬。

至於昨日舉行的香港先生宣傳活動中，擔任司儀的呂慧儀性感上陣。對於香港先生投訴多多，她謂：「其實每年都有叫女評判控制下唔好摸，其實以前香港小姐都畀人話少布。（點睇只招待女士？）改善緊，依家都有兩個商場有轉播活動。」將與一眾參賽者表演武術的全國武術冠軍蔣璐霞，大讚十位港男勤力，她笑言不敢看他們的眼睛，以免被「電親」。

團體盼無綫送門票

前港男高鈞賢出席另一場合表示，有留意新一屆港男新聞，他說：「首屆開始係全女班評判，係傳統，我參選時都有摸過評判之一嘅伍詠薇，仲錫咗佢隻手一啖。總之人哋知參賽，唔會玩得太過份。」他表示不會作表演嘉賓，但很期待3D泳裝環節，並指很多朋友找他取入場券。

另外，愛護家庭家長協會的會長黎浩華表示，香港先生競選當晚，很大機會會連同香港男士關注組及平等公義協會到將軍澳電視城請願，希望無綫給他們門票入場。

文：影視組