笑稱年年廿五歲的譚詠麟（阿倫），昨日被大陸網大爆他今年慶祝六十大壽。早前他與好友曾志偉齊擔任《華人大綜藝》節目做嘉賓，大會知道阿倫生日將至，特別送上生日蛋糕提早為他慶祝，結果兩個大頑童竟貪玩互掟蛋糕。
有關年齡問題，阿倫笑指去年才是本命年，被問到1991年他曾上春晚節目，至2011便剛好20年，阿倫即說：「我當時先得５歲，我仲要唱多40年，幾辛苦都要繼續唱。」阿倫和志偉原來亦曾試過鬥氣互不瞅睬幾天，但兄弟情深厚，很快便和好如初，志偉坦言每次聽阿倫的《一生最愛》便會感動到喊。