連詩雅獲捧百萬打造3D MV

華納唱片為旗下女新人連詩雅（Shiga）斥資百萬打造兩首新歌《灰伯爵的忌廉遐想》及《A.T.L.》3D MV，昨日再花五位數在電影院舉行首映會，Shiga媽咪、契媽及過百粉絲捧場，Shiga坦言受寵若驚，她笑說：「真係好感動，（有冇壓力？）好想做好成績報答公司及同事，唔想令佢哋失望。」
連詩雅獲公司揼本宣傳，受寵若驚。
連詩雅獲公司揼本宣傳，受寵若驚。

MV採用數碼電影攝影機拍攝，成本比一般2DMV製作貴五倍，特別是《A.T.L.》以2D方法拍攝，再配合後期3D製作，3D畫面比《灰》更具層次，她笑說：「好有立體感，（身材呢？）觀眾自己去評論。」Shiga對公司重本力捧，可擔心惹師兄師姐妒忌？她表示不會，她說：「公司冇偏心任何一個，個個都錫，師兄師姐出道時都有唔同嘅宣傳攻勢。」

連詩雅新歌ＭＶ搞首映會，媽咪（左）與契媽（右）捧場。
  • 連詩雅新歌ＭＶ搞首映會，媽咪（左）與契媽（右）捧場。