周秀娜孖12師妹禁相攻日
揚言今年寫真是最後一擊的Angelababy，再推出豪華版寫真吸金，作為死敵的周秀娜一於奉陪到底，與眾師妹推出第二版寫真狙擊Baby，還講到明全晒「肉照」再鬥過。
Baby和周秀娜在書展寫真戰鬥得天昏地暗，揚言是最後一次推出寫真的Baby暫定下月推出豪華版寫真延續其女王地位，娜姐眼見死敵出招，即搵埋今年同樣推出寫真的Monster Beez、Sugar Beez和新八模等12位師妹於下月上旬再出第二版寫真，誓與Baby周旋到底。
兩女激咀加日文
據知娜姐和眾師妹總共四個單位，在第二版寫真為迎合東瀛市場，會以日文形式推出。早前曾傳出娜姐有多輯半裸禁相，今次會一次過盡現寫真！Monster Beez方面，Annie G.與Hailey C.的早前所拍的激咀照，亦會於新版中大派用場。
地獄式特訓打碟
而Annie G.和新八模成員Hidy最近更接受地獄式打碟特訓，昨日分別跟師傅學打碟。已有幾個月打碟功力的Annie G.師承DJ Yami，早前更遠赴澳洲吸取實戰經驗，而Hidy雖然只是初哥一名，但師傅阿B卻大讚她有節拍感。相信將連同師姐娜姐可以藉今次日本宣傳，一舉打入日本市場，與Baby鬥快搶灘。
致電周秀娜經理人Roy，他亦承認推出第二版寫真事在必行：「依家仲為9月頭推出寫真籌備緊，因為依家日圓高企，所以一定要有更多嘢睇，今次每本會加印16至32頁，詳情遲啲先公布。」
文：專案組